ایبٹ آباد (نمائندہ خصوصی ملک بابر اعوان سے ) جامعہ مسجد سیدنا صدیق اکبر رضی اللہ تعالیٰ عنہ، گاؤں کھوکھریالہ ٹھنڈیانی، یونین کونسل پٹن کلاں، ایبٹ آباد میں تیسری سالانہ ختمِ نبوت کانفرنس نہایت کامیاب اور روح پرور انداز میں منعقد ہوئی۔
کانفرنس میں علمائے کرام، معززینِ علاقہ اور بڑی تعداد میں عوام الناس نے شرکت کی۔ مقررین نے عقیدۂ ختمِ نبوت کی اہمیت، تحفظِ عقیدہ اور دینی شعور کے فروغ پر تفصیلی روشنی ڈالی۔ شرکاء نے کانفرنس کے انعقاد کو دینِ اسلام کی خدمت اور امتِ مسلمہ کی رہنمائی کے لیے ایک اہم قدم قرار دیا۔
اس عظیم الشان اور کامیاب کانفرنس کے انعقاد پر منتظمِ اعلیٰ محترم حافظ عزیر فاروق صاحب کی شب و روز محنت، دینی جذبے، اخلاص اور بہترین انتظامات کو بھرپور خراجِ تحسین پیش کیا گیا۔ شرکاء نے ان کی دینی خدمات کو سراہتے ہوئے ان کے لیے خصوصی دعاؤں کا اہتمام بھی کیا۔
آخر میں ملک و ملت کی سلامتی، امتِ مسلمہ کے اتحاد اور دینِ اسلام کی سربلندی کے لیے اجتماعی دعا کی گئی۔
