حویلیاں(قادر بخش سے )حویلیاں پریس کلب عوامی مسائل کے حل میں ہمیشہ پیش پیش رہا ہے، بابو جاوید اقبالحویلیاں کے مسائل کو اجاگر کرنے میں ہمیشہ حویلیاں پریس کلب نے بھرپور کردار ادا کیا ہے۔ صحافتی سرگرمیوں کے ساتھ ساتھ حویلیاں پریس کلب سماجی و فلاحی خدمات کے میدان میں بھی متحرک نظر آتا ہے۔ ان خیالات کا اظہار سابق ضلع نائب ناظم بابو جاوید اقبال نے حویلیاں پریس کلب کی نومنتخب کابینہ کو مبارکباد دینے کے موقع پر گفتگو کرتے ہوئے کیا۔انہوں نے کہا کہ پریس کلب نے ہمیشہ عوامی مسائل کو اجاگر کرنے میں نہ صرف مثبت کردار ادا کیا بلکہ ہر ممکن کوشش کی کہ ان مسائل کو متعلقہ حکام تک پہنچا کر ان کا حل نکالا جا سکے۔اس موقع پر نومنتخب کابینہ کے عہدیداران، صدر حماد خان، جنرل سیکرٹری نثار احمد (خاکسار) اور سرپرست اعلیٰ عبدالحمید تنولی نے انہیں یقین دہانی کروائی کہ وہ ان کے ساتھ ہر وقت کھڑے ہیں اور علاقے کے عوامی مسائل کو اجاگر کرنے میں اپنا بھرپور کردار ادا کرتے رہیں گے
About The Author
